हामी नेपाली - हाम्रो नेपाल - समृद्ध नेपाल

ओली सरकार न्हाय्पनय् चिकं तयाः च्वनाच्वंगु वरिष्ठ नेता नेपालया द्वपं

इन्फोनेपाल संवाददाता/ राजनीति - December 26, 2015
Madhav Kumar Nepal

येँ, थिंलागा पारु
मन्त्रीमण्डल तःंगु दयेकूगु न्ह्यःथना प्रधानमन्त्री केपी शर्मा ओलीया प्यख्यरं कुंखिनाः वयाच्वंगु इलय् थःगु हे पार्टी नेकपा एमालेपाखें नं कुंखिनेगु ज्या जूगु दु । सरकारं ज्या स्वयाः नं मन्त्रिपरिषद् विस्तारय् ध्यान बियाः जनताया समस्या समाधान जुइमफूगु न्ह्यःथना वरिष्ठ नेता माधवकुमार नेपाल पक्षं कुंख्युँगु दु ।

सरकार नीस्वंगु इलंनिसें हे एमालेया नायः नापं जुयाच्वनादीम्ह ओलीं मन्त्रिपरिषद् विस्तारय् एकलौटी ढङ्गं न्ह्यःने न्ह्याःगु, पार्टीइ छु नं सल्लाह हे मयासे निर्णय याःगु न्ह्यःथना प्रम ओलीया कुंखिनाः वयाच्वंगु दु । सत्ता साझेदार दल एमाओवादीया नेतातय्सं ओली सरकार सच्छिन्हु नं स्थीर जुइमफइगु अभिव्यक्ति वयाच्वंगु इलय् ओलीयाविरुद्ध एमालेदुनेपाखें हे कुंखिनाः वयाच्वंगु खः ।

नेकपा एमालेया नेता माधवकुमार नेपालं ओली नेतृत्वया सरकारं ज्या यायेमफूगु न्ह्यःथंगु दु । वय्कलं धयादी, ‘नाकाबन्दीया समस्या तराई मधेशया समस्या समाधान यायेगु नितिं प्रधानमन्त्रीं गुलि कुतः यायेमाःगु खः व जुइमफुत ।’

दाचुला–काठमाडौं सम्पर्क मञ्चं थौं स्वनिगलय् ग्वसाः ग्वःगु छगू ज्याझ्वलय् न्वंवानादिसें ओली नेतृत्वया सरकारया प्रभावकारिता शून्य जूगु धयादिल । देय् व जनताया जिम्मेवारी पूवंकेत इनाप यानादिसें वय्कलं धयादी, ‘देशय् तस्करी, हाकु बजाः ब्वलनाः सरकार न्हाय्पनय् चिकं तयाः च्वनाच्वंगु दु ।’ नेता नेपालं पद प्राप्तियात जक सरकारं ध्यान ब्यूगु द्वपं बियादिसें देय्या आन्तरिक मामिलाय् भारतं हस्तक्षेप यायेमाःगु धयादिसें वय्कलं मधेशी मोर्चायात आन्दोलनया ज्याझ्वः त्वःताः वार्तापाखें समाधान मालेत नापं इनाप यानादीगु दु ।

पाल्पाय् स्थानीय निर्वाचनया नितिं झिंछगू दल दर्ता

रामपुर, सिल्लाथ्व चतुर्दशि स्थानीय निर्वाचनय् ब्वति काइगुया नितिं पाल्पाय् झिंछगू राजनीतिक दल जिल्ला निर्वाचन ज्याकू पाल्पाय् दर्ता जूगु दु...