हामी नेपाली - हाम्रो नेपाल - समृद्ध नेपाल

अफगानिस्तानय् कारबाहीया झ्वलय् झिंस्वम्ह तालिवान सित

इन्फोनेपाल संवाददाता/ देय्पिनेया बुखँ - December 26, 2015
terorist-attack-430x316

एजेन्सी, थिंलागा पारु
अफगानिस्तानय् अनया सुरक्षा बलं तालिवान सशस्त्र विद्रोहीविरुद्ध याःगु कारबाहीया झ्वलय् झिंस्वम्ह तालिवान सीगु दु । अफगानिस्तानया गृह मन्त्रालयं थौं पिकाःगु विज्ञप्तिइ उगु जानकारी ब्यूगु दु । देय्या थीथी थासय् जूगु आतंकवादीविरुद्धया कारबाहीसं उपिं मनूत सीगु गृह मन्त्रालयं जानकारी ब्यूगु दु ।

वंगु नीप्यघौतक्क न्ह्याःगु कारबाहीसं उपिं तालिवान आतंककारी सीगु उगु विज्ञप्तिइ न्ह्यःथनातःगु दु । अफगान राष्ट्रिय सुरक्षा बल एएनएसएफं बादख्सान, कान्दाहार, उरुजगान, हेरात व हेलमण्ड प्रान्तय् न्ह्यानाच्वंगु उगु कारबाहीया झ्वलय् थप झिंन्ह्यम्ह सशस्त्र तालिवान आतंककारी ज्वंगु दु । उगु कारबाहीया झ्वलय् मेमेपिं छुं छुं तालिवानतय्त नं सेनां ज्वंगु नं विज्ञप्तिइ न्ह्यःथनातःगु दु ।

अफगानिस्तानय् वंगु जनवरीनिसें नेटोलिसे आबद्ध आपालं धइथे सैनिक लिहाँवनेधुंकूगु दु । थौंकन्हय् अन अफगान सेनां हे कारबाही याःगु दु । लिपांगु इलय् तालिवानतय्सं नं अफगानिस्तानया थीथी थासय् सुरक्षाकःमि व सरकारी अधिकारीतय्त लक्षित यानाः आक्रमणयात तच्वयेकूगु दु ।