हामी नेपाली - हाम्रो नेपाल - समृद्ध नेपाल

संविधान संशोधन विषययात कयाः कांग्रेस व एमाओवादीदथुइ सहलह

इन्फोनेपाल संवाददाता/ राजनीति - December 26, 2015
UML_Congress_flag

येँ, थिंलागा पारु
संविधान संशोधन व तराई मधेशय् आन्दोलनरत मधेशवादी दलं ल्ह्वंगु माग सम्बोधन यायेगु विषयसं केन्द्रित जुयाः मू प्रतिपक्षी दल नेपाली कांग्रेस व एकीकृत नेकपा माओवादीदथुइ सहलह जूगु दु ।

एमाओवादी नायः पुष्पकमल दाहालया निवास लाजिम्पाटय् थौं च्वंगु निगू पक्षीय सहलहसं मधेशवादी दलतय्त नापं सहमतिइ हयाः संविधान संशोधन विधेयकयात न्ह्यःने न्ह्याकेगु व देशं फयाच्वंगु समस्या समाधान यायेत निगुलिं पक्ष सहमत जूगु दु ।

व्यवस्थापिका–संसद्या बैठक कन्हय् आइतवाः सःतूगु दु । बैठक न्ह्यः हे छगू सहमतिइ थ्यंकेगु उद्देश्यलिसे सहलह जूगु बैठकय् ब्वति दुम्ह छम्ह नेतां जानकारी बियादीगु दु । उच्चस्तरीय राजनीतिक संयन्त्रया कजि नापं जुयाच्वनादीम्ह नायः दाहालया सक्रियताय् मधेशी मोर्चायात सहमतिइ हयेगु कुतः जुयाच्वंगु दु ।

कांग्रेस नेतृत्वया सरकारं सदनय् न्ह्यब्वःगु संशोधन विधेयकया भाषा मिलय् यानाः जूसां नं सहमति यानाः वनेगु मनसायसं मू दलत दु । बैठकय् ब्वति दुम्ह कांग्रेस महामन्त्री प्रकाशमान सिंहयाकथं मधेशवादी दलं ल्ह्वंगु विषयसं मंकाः धारणा दयेकाः वनेगु विषयसं मू निगू दलदथुइ सहलह जूगु खः ।

गुलिफु उलि याकनं लिच्वलय् थ्यंकेगु सहमति जूगु न्ह्यःथनादिसें वय्कलं थौं हे सनिलय् स्वताः इलय् कांग्रेस व मोर्चादथुइ सहलह जुइगु व सनिलय् हाकनं कांग्रेस, एमाओवादी व मोर्चादथुइ स्वंगू पक्षीय सहलह यायेगु सहमति नापं जूगु धयादिल । कांग्रेसलिसेया सहलहसं एमाओवादी नायः दाहालं ताःहाकःगु ईतक्क देय्यात ज्यामछिंगु अवस्थाय् तयेमज्यूगुलिं मू दलं छु नं छुं समाधान पिकायेमाःगु व उकिइ कांग्रेसया ग्वाहालिया अपेक्षा याःगु खः ।

मोर्चां ल्ह्वनाः वयाच्वंगु सीमाङ्कनया विषयसं आपालं आधार तयार यानाः राजनीतिक समितिपाखें न्ह्यःने न्ह्यायेमाःगु खँय् बहः बियादीम्ह नायः दाहालया ग्वाहालिमि शिव खकुरेलं जानकारी बियादीगु दु । सहलहसं कांग्रेस व एमाओवादीया शीर्ष नेतापिनिगु ब्वति दुगु खः ।

पाल्पाय् स्थानीय निर्वाचनया नितिं झिंछगू दल दर्ता

रामपुर, सिल्लाथ्व चतुर्दशि स्थानीय निर्वाचनय् ब्वति काइगुया नितिं पाल्पाय् झिंछगू राजनीतिक दल जिल्ला निर्वाचन ज्याकू पाल्पाय् दर्ता जूगु दु...