हामी नेपाली - हाम्रो नेपाल - समृद्ध नेपाल

विश्वकप फुटबलय् युरोपपाखें झिंखुगू देशं ब्वति कायेखनेदयेमाःगु माग

इन्फोनेपाल संवाददाता/ कासा - February 10, 2017
eufa

येँ, सिल्लाथ्व चतुर्दशि
सन् २०२६ सं जुइगु विश्वकप फुटबलसं युरोपेली महादेशपाखें झिंखुगू टोलीं ब्वति कायेमाःगु माग युरोपेली फुटबल महासंघ युएफां याःगु दु ।

युएफां थुकीया नितिं विश्व फुटबलया सर्वोच्च निकाय फिफालिसे प्रस्ताव याइगु जूगु दु । विश्वकपया छनोट चरण पार याःगु टोलीयात ब्यागलं ब्यागलं पुचलय् लाकेत नापं युएफां आग्रह याइगु निर्णय याःगु दु ।

फिफां विश्वकप म्हितीगु देय्या ल्याः स्वीनिगूपाखें अप्वयेका पीच्यागू थ्यंकूगु युएफां झिंखुगू टोली युरोपेली देय्पाखे कःघायेमाःगु माग याःगु खः । युएफाया नायः अलेक्सान्दर केफरिनं विश्वकप छनोटसं पीच्यागू टोली जुइगु जूगुलिं युरोपेली देय्या नितिं झिंखुगू थाय् फ्वनीगु जायज जूगु जानकारी ब्यूगु खः ।

थुकीयान्ह्यः सन् २०१४ या विश्वकपय् झिंस्वंगू युरोपेली देय् छनोट जूगु खः । वंगु लाय् फिफां विश्वकप छनोट म्हितीगु देय्या ल्याः स्वीनिगुलिं पीच्यागू थ्यंकेगु निर्णय याःगु खः ।