हामी नेपाली - हाम्रो नेपाल - समृद्ध नेपाल

पाल्पाय् स्थानीय निर्वाचनया नितिं झिंछगू दल दर्ता

इन्फोनेपाल संवाददाता/ राजनीति - February 10, 2017

रामपुर, सिल्लाथ्व चतुर्दशि
स्थानीय निर्वाचनय् ब्वति काइगुया नितिं पाल्पाय् झिंछगू राजनीतिक दल जिल्ला निर्वाचन ज्याकू पाल्पाय् दर्ता जूगु दु ।

स्थानीय निर्वाचनया नितिं निर्वाचन आयोगं फुक्क राजनीतिक दलया विवरण पेश यायेमाःगु निर्देशनकतं जिल्लाय् झिंछगू राजनीतिक दलं पार्टीया विवरण बुझय् याःगु जिल्ला निर्वाचन ज्याकू, पाल्पां जानकारी ब्यूगु दु । निर्वाचन ज्याकुथिइ दर्ता जूगु दलतय्सं नेपाली कांग्रेस, नेकपा (एमाले), नेकपा (माओवादी केन्द्र), राप्रपा, राष्ट्रिय जनमोर्चा, नेकपा (माले), राष्ट्रिय जनमुक्ति पार्टी दुगु खः ।

अथेहेयानाः नेकपा (माले) जनसमाजवादी, सङ्घीय समाजवादी फोरम नेपाल, नेकपा (माक्र्सवादी) व नेपाल पूर्व राष्ट्रसेवक लोकतान्त्रिक पार्टी दुगु खः । थुगु दर्ता जूगु दलं जक स्थानीय निकायया निर्वाचनय् ब्वति कायेखनीगु व्यवस्था दु । आः नं थीथी पार्टीं दल दर्ताया नितिं ज्याकुथिइ अनुरोध यासाः नं दर्ता ई क्वचायेकूगु हुनिं दर्ता प्रक्रिया पनातःगु दु ।

पाल्पाय् स्थानीय निर्वाचनया नितिं झिंछगू दल दर्ता

रामपुर, सिल्लाथ्व चतुर्दशि स्थानीय निर्वाचनय् ब्वति काइगुया नितिं पाल्पाय् झिंछगू राजनीतिक दल जिल्ला निर्वाचन ज्याकू पाल्पाय् दर्ता जूगु दु...