हामी नेपाली - हाम्रो नेपाल - समृद्ध नेपाल

नेपाल बार एसोसिएसनया केन्द्रीय ज्याकुथिइ धर्ना, न्यायाधीश नियुक्तिसं निसः कानुन व्यवसायीतय्गु राजीनामा

इन्फोनेपाल संवाददाता/ राजनीति - February 10, 2017
nepal bar asociation

येँ, सिल्लाथ्व चतुर्दशि
उच्च अदालतसं ८० न्यायाधीश नियुक्ति संविधान व ऐन कानुन अःखः जूगु धकाः प्रदेश ल्याः २ या निसः स्वयाः आपालं कानुन व्यवसायीतय्सं मंकाः कथं राजीनामाया घोषणा याःगु दु ।

नेपाल बार एसोसिएसनया केन्द्रीय ज्याकुथिइ धर्ना बियाः बिहीवाः प्रदेश ल्याः २ या निसः स्वयाः आपालं कानुन व्यवसायीतय्सं केन्द्रीय नायः शेरबहादुर केसीयात मंकाः राजीनामा घोषणा याःगु नामावली लःल्हाःगु खः ।

जनकपुरय् थ्वहे माघ २२ गते कानुन व्यवसायी समन्वय समितिया बैठकं न्यायपरिषद्ं संविधान अःखः उच्च अदालतय् न्यायाधीश नियुक्ति याःगु धकाः मंकाः राजीनामा घोषणा याःगु समन्वय समितिया कजि सुनील पङ्कज कर्णं जानकारी बियादिल ।

नायः केसीं न्यायपरिषद्ं समावेशी व समानुपातिकयात थाय मब्यूगुलिं बारया गम्भीर ध्यानाकर्षण जूगु व आन्दोलनदथुइ बारया ऐक्यबद्धता दुगु जानकारी बियादिसें न्यायया नितिं ल्वाइगु प्रतिबद्धता प्वंकादिल ।

पाल्पाय् स्थानीय निर्वाचनया नितिं झिंछगू दल दर्ता

रामपुर, सिल्लाथ्व चतुर्दशि स्थानीय निर्वाचनय् ब्वति काइगुया नितिं पाल्पाय् झिंछगू राजनीतिक दल जिल्ला निर्वाचन ज्याकू पाल्पाय् दर्ता जूगु दु...