हामी नेपाली - हाम्रो नेपाल - समृद्ध नेपाल

विमानस्थल सतक निर्माणया ज्या क्वचायेकेत मन्त्री लेखकपाखें सतक विभागयात उजं

इन्फोनेपाल संवाददाता/ राजनीति - February 10, 2017
Ramesh-Lekhak-236x300

येँ, सिल्लाथ्व चतुर्दशि
कालीकोट जिल्लाया लालीघाटनिसें विमानस्थलतक्कया लं तत्कालया नितिं क्वचायेकेमाःगु माग यानाः कालीकोटवासीतय्सं भौतिक पूर्वाधार लिसे यातायात व्यवस्थामन्त्री रमेश लेखकदथुइ बिहीवाः ज्ञापनपौ लःल्हाःगु खः ।

नेपाली कांग्रेस कालीकोटया नेता भूपेन्द्रजङ्ग शाहीया नेतृत्वय् वंगु पुचलं माघ २९ गतेनिसें विमानस्थलय् जहाज सञ्चालन जुइत्यंगु व विमानस्थलपाखें लालीघाटतक्क वनीगु मोटर लं मदुगु धकाः तत्काल निर्माणया ज्या पुवंकेत माग याःगु खः ।

अथेहे, कालीकोटया स्वीगू हे गाविसय् मोटर लं थ्यंकेमाःगु, दैलेख–कालीकोट–जाजरकोट मोटर लंयात उच्च प्राथमिकता बिइमाःगु, कालीकोट जिल्लाया खुसिइ पक्की ताँ निर्माण यायेमाःगु माग याःगु दु ।

ज्ञापनपौ कयाः मन्त्री लेखकं कर्णालीया विकास निर्माणया नितिं उच्च प्राथमिकता ब्यूगु जानकारी बियादिसें वय्कलं उगु सतक निर्माणया नितिं सतक विभागयात तत्काल निर्देशननापं बियादीगु दु ।

पाल्पाय् स्थानीय निर्वाचनया नितिं झिंछगू दल दर्ता

रामपुर, सिल्लाथ्व चतुर्दशि स्थानीय निर्वाचनय् ब्वति काइगुया नितिं पाल्पाय् झिंछगू राजनीतिक दल जिल्ला निर्वाचन ज्याकू पाल्पाय् दर्ता जूगु दु...