हामी नेपाली - हाम्रो नेपाल - समृद्ध नेपाल

सरकारी स्तरपाखें यातायात कम्पनी चाइगु, मू शहरय् सच्छि ग्वः सुविधा सम्पन्न बस चलय् याइगु तयारी

इन्फोनेपाल संवाददाता/ थीथी - February 10, 2017

येँ, सिल्लाथ्व चतुर्दशि
येँ उपत्यकानापं मू शहरय् दुपिं यात्रुतय्त दनिगु, अपुइगु व बांलाकेत नगर यातायात सेवा बीगु यानाः सरकारी स्तरपाखें यातायात कम्पनी न्ह्यःने वइगु जूगु दु । झिगू करोड लागत खर्चं सञ्चालन जुइत्यंगु कम्पनी पलिस्थाया लिपांगु चरणय् थ्यगु संघीय मामिला लिसे स्थानिय विकास मन्त्रालयया पूर्वाधार विकास महाशाखाया मू जीवनकुमार श्रेष्ठं जानकारी बियादीगु खः ।

देय्या थीथी शहरय् यात्रुतय्त अपुइकीगुया नितिं सरकारं सच्छि ग्वः तःतःग्वःगु बस सञ्चालनय् हयेत्यंगु व थुकीया न्ह्यः दुगु प्रतिबद्धताकथं सेवा बीत ताःलाइगु दु । ४० निसें ५० गू सिट दुगु व बस अपांगमैत्री व वातावरणमैत्री जुइगु श्रेष्ठं धयादी ।

येँ, धनगढी, विराटनगर, नेपालगन्ज, पोखरा, बुटवल, जनकपुर, वीरगन्जलगायत शहरय् बस सञ्चालनया ज्या न्ह्याकीगु तयारी जुइधुंकूगु दु । थुगु शहरय् सरकारी बस सञ्चालनय् हइगु प्रक्रिया न्ह्याकेधुंकूगु व शुक्रवाः प्रबन्ध पौ तयार याइगु श्रेष्ठं जानकारी बियादीगु खः । वइगु आइतवाः व सोमवाः बस सञ्चालनया नितिं कम्पनी दर्ता याइगु तयारी नं जुइधुंकूगु वय्कपाखें जानकारी दु ।

सरकारं तत्कालया नितिं ५० ग्वः बस सञ्चालय् हयेत अनुदान बीगु सहमति याःगु दु । अथेहे, बस चलय् जुइगु रुट बारे नं सहलह जुयाच्वंगु व येँ उपत्यकाय् धाःसा रत्नपार्कयात केन्द्र विन्दु दयेकाः चलय् याइगु तयारी जुयाच्वंगु दु ।

सरकारी स्तरपाखें यातायात कम्पनी चाइगु, मू शहरय् सच्छि ग्वः सुविधा सम्पन्न बस चलय् याइगु तयारी

येँ, सिल्लाथ्व चतुर्दशि येँ उपत्यकानापं मू शहरय् दुपिं यात्रुतय्त दनिगु, अपुइगु व बांलाकेत नगर यातायात सेवा बीगु यानाः सरकारी स्तरपाखें यातायात...