हामी नेपाली - हाम्रो नेपाल - समृद्ध नेपाल

बैतडी ट्रक दुर्घटनाय् छम्ह सित

इन्फोनेपाल संवाददाता/ समाज - February 10, 2017

बैतडी, सिल्लाथ्व चतुर्दशि
बैतडीसं ट्रक दुर्घटना जुयाः छम्ह सीगु दुसाः निम्ह बांमलाक्क घाःपाः जूगु दु । सीम्ह ट्रकया सहचालक श्रीकोट–३ या झिंगुदँया किशोरसिंह ऐरी दुगु जिल्ला प्रहरी ज्याकू बैतडीया प्रहरी निरीक्षक कमल विष्टं जानकारी बियादीगु खः । बांमलाक्क घाःपाः जूम्ह ऐरीया वासःया नितिं धनगढी यंकाः च्वंगु झ्वलय् बैतडीया सतबाँझ थ्यंकेवं लंय् हे सीगु खः । सीम्ह परीक्षणया नितिं जिल्ला अस्पताल बैतडीसं तयाःतःगु दु ।

अथेहे, ट्रक चालक बैतडी श्रीकोट–४ या नीप्यदँया मोहनराज जोशी व श्रीकोट–४ या नीछदँ दुम्ह सागर चन्द बांमलाक्क घाःपाः जूगु खः । घाःपाः जूम्ह चालक मोहनया मिखा, कप्लय् छातीइ व सागरया छ्यं, मिखा व तुतिइ घाःपाः जूगु दु । घाःपाः जुपिं स्वम्हसित बैतडीइ वासः यायेमफया उपचारया नितिं धनगढी रिफर याःगु प्रहरीं जानकारी ब्यूगु दु ।

महाकाली राजमार्गपाखे पन्ज्युनयाँ सतबाझ सतकखण्डपाखे सित्तड–२ चमतडीसं ना. ३ ख ५७२३ ल्याःया ट्रक बिहीवाः बहनी ७ ताः इलय् दुर्घटनाय् लाःगु खः । फि ज्वनाः वःगु सतबाँझपाखे उगु ट्रक सतकपाखें २० मिटर क्वय् खुसिइ कुतुवंगु प्रहरीं जानकारी ब्यूगु दु । ट्रक दुर्घटनाया हुनिं धाःसा सार्वजनिक जूगु मदुनि ।

बैतडी ट्रक दुर्घटनाय् छम्ह सित

बैतडी, सिल्लाथ्व चतुर्दशि बैतडीसं ट्रक दुर्घटना जुयाः छम्ह सीगु दुसाः निम्ह बांमलाक्क घाःपाः जूगु दु । सीम्ह ट्रकया सहचालक श्रीकोट–३ या झिंगुदँया...

छात्रादथुइ यौन र्दुव्यवहार याइम्ह प्राध्यापकयात हाकः नापं लाकांया माला

येँ, सिल्लाथ्व त्रयोदशि थःगु हे स्कुलया छात्रादथुइ ब्यागलं ब्यागलं यौन र्दुव्यवहार याम्ह शिक्षकयात क्रान्तिकारी राप्ती छात्रा विभाग दाङं बुधवाः...