हामी नेपाली - हाम्रो नेपाल - समृद्ध नेपाल

फोनबाट गुनासो टिपाउँदै महिला र बालबालिका

इन्फोनेपाल संवाददाता/ सामाजिक - February 9, 2017

रोल्पा, माघ २७
मानवअधिकार सचेतन केन्द्र रोल्पाले कार्यक्रममा जवाफदेहिता, पारदर्शिता र गुणस्तरीयता बनाउन अपनाएको अनुगमन, मूल्याङ्कन, जवाफदेहिता र सिकाइ मिलमा विभिन्न खालका गुनासा आउने गरेका छन् ।

नागरिकबाट सेवा प्रवाहका बारेमा गुनासो व्यवस्थापनका लागि गुनासो पृष्ठपोषण संयन्त्र मार्फत गुनासा आइरहेका छन् । पैसा नलाग्ने टोल फ्री नम्बर मार्फत विगत तीन वर्षदेखि लागू भएको यस संयन्त्र मार्फत जम्मा एकसय १५ वटा गुनासा तथा पृष्ठपोषण आएका छन् ।

समयमा किसानले तरकारीको बीउ नपाएको, शिक्षक विद्यालय आउँदा मादकपदार्थ सेवन गरी आएको, श्रीमान्ले कुटपिट गर्ने गरेको, आमा समूहबाट निकालिएको, समयमा पुस्तक नपाएको जस्ता गुनासा आएको हुरेक रोल्पाका मिल कार्यक्रम संयोजक धरेन्द्र डाँगीले जानकारी दिएका छन् ।

कार्यक्रमको गुणस्तर, पारदर्शिता र जवाफदेहिताका लागि लाभान्वित समुदायबाट आएका गुनासालाई विभिन्न ६ श्रेणीमा अभिलेखीकरण गरिएको र गुनासोको प्रकृति हेरी निश्चित अवधिभित्र समाधान गरिँदै आएको डाँगीले जानकारी दिएका छन् ।

हालसम्म ३८ महिला र ३७ बालबालिकाले गुनासो गरेको बताइएको छ । प्राप्त गुनासा मध्ये १२ वटा गुुनासा सम्बन्धित निकायमा पठाइएको छ । रिफर गरिएका गुनासा सम्बन्धित कार्यालयसँगको समन्वयमा समाधानसमेत गरिएको हुरेक रोल्पाले वताएको छ । रासस

लैनो भैँसी दाइजो नदिँदा विवाह रोकिएकी अमृताले पढ्ने भइन्

महोत्तरी, माघ २७ दाइजोमा लैनो भैँसी नपाएपछि केटाका बुबाले विवाहको अन्तिम समयमा आएर बेहुली छोडेर जाँदा अलपत्रमा परेकी महोत्तरी बर्दिवास नगरपालिका–८...

नक्सा माग्दा कर्मचारीले सेवाग्राही कुटे

धनुषा, माघ २७ धनुषाको नापी कार्यालयमा घरको नक्सा लिन पुगेका दुई सेवाग्राहीलाई कर्मचारीले आज कुटपिट गरेका छन् । जनकपुरको श्याम चोक निवासी ललन साह र...