हामी नेपाली - हाम्रो नेपाल - समृद्ध नेपाल

२९५ औँ जन्मजयन्तीको अवसरमा पृथ्वीनारायण शाहको सालिकमा माल्यार्पण

इन्फोनेपाल संवाददाता/ मुख्य समाचार - January 11, 2017
k[YjLgf/fo0f zfxsf] zflnsdf dfNofk{0f 
k[YjLgf/fo0f zfxsf] @(% cf}+ hGdhoGtLsf] cj;/df a'waf/ l;+xb/af/ u]6df /x]sf] zfxsf] zflnsdf dfNofk{0f ub}{ /fk|kfsf /fli6«o cWoIf kz'kltzdz]/ /f0ff . tl:a/ M k|bLk/fh jGt, /f;;

काठमाडौं, पौष २७
राष्ट्रनिर्माता पृथ्वीनारायण शाहको २९५ औँ जन्मजयन्तीको अवसरमा उनकोे सालिकमा माल्यार्पण गरिएको छ । विभिन्न सङ्घ संस्थाका प्रतिनिधिका साथै राजनीतिक दलका नेताले सिंहदरबार मूलद्वार अगाडि रहेको शाहको सालिकमा माल्यार्पण गरेका हुन् ।

राष्ट्रिय प्रजातन्त्र पार्टीका अध्यक्ष कमल थापाले पृथ्वीनारायण शाहको योगदानका कारण नेपालले विश्वसामु पहिचान बनाएकाले आज हामी नेपाली भएर बाँच्न पाएको धारणा व्यक्त गरेका छन् ।

k[YjLgf/fo0f zfxsf] hGdhoGtL  k[YjLgf/fo0f zfxsf] @(% cf}+ hGdhoGtLsf] cj;/df a'waf/ l;+xb/af/ u]6df /x]sf] zfxsf] zflnsdf em08f /fVb} nId0f v8sf . tl:a/ M k|bLk/fh jGt, /f;;

मुलुकको राष्ट्रियता, अखण्डता र सार्वभौमिकताको रक्षाका लागि सबै राजनीतिक दल एकजुट हुनुपर्नेमा जोड दिँदै अध्यक्ष थापाले “पृथ्वीनारायण शाहको योगदानको कदरस्वरुप यो पर्वलाई सरकारले भव्य रूपमा मनाउनुपर्नेमा सार्वजनिक विदासम्म नदिनु उचित नभएको उल्लेख गरेका छन् ।”

राप्रपाका राष्ट्रिय अध्यक्ष पशुपतिशमशेर राणाले मुलुक निर्माण गर्ने इतिहास पुरुषलाई सरकारले बेवास्ता गरेको आरोप लगाएका छन् । उनले पृथ्वीनारायण शाहले देशलाई एकीकरण गरेर सिङ्गो राष्ट्र निर्माण गरेजस्तै अहिले सबै राजनीतिक दल एकजुट भई मुलुकलाई निकास दिने बेला आएको उल्लेख गरेका छन् ।

कार्यक्रममा २९५ औँ राष्ट्रिय एकता दिवस नागरिक मूल समारोह समिति, राष्ट्रिय एकता मञ्च, शिव सेना नेपाल, हिन्दू राष्ट्र जागरण अभियान नेपाल, संयुक्त सुशासनका लागि युवा सङ्गठन नेपाल, शाही युवा शक्ति, गोर्खाली तक्मा नेपाललगायत विभिन्न सङ्घसंस्थाको उपस्थिति थियो ।